مساحات سبورت | -نكتة» الجولة الرابعة بـ دورة الترقي للممتاز.. شوبير يكشف التفاصيل مساحات سبورت

كشف الإعلامي أحمد شوبير، حارس مرمى النادي الأهلي ومنتخب مصر الأسبق، مفاجأة جديدة بشأن طاقم تحكيم مباراة سبورتينج والترسانة ضمن منافسات الدورة الرباعية المؤهلة للدوري الممتاز.

وقال شوبير في برنامجه -مع شوبير»، المُذاع عبر -أون سبورت إف أم»: -هقولكم نكتة الجولة دي من دورة الترقي بخصوص طاقم تحكيم مباراة سبورتينج والترسانة بعد نكتة الجولة اللي فاتت وتبليغ حكمين بنفس المباراة».

شوبير يكشف تفاصيل مثيرة بشأن طاقم تحكيم مباراة سبورتينج والترسانة

وتابع: -نكتة الأسبوع ده هي إن لجنة الحكام قررت إسناد مباراة سبورتينج والترسانة للحكم محمد معروف، طب وإيه المشكلة يا سيدي ولا إيه النكتة في كدا؟ معروف حكم كويس ودولي.. النكتة هي إن معروف كان عنده ماتش جنوب إفريقيا وزيمبابوي في التصفيات الإفريقية لكأس العالم ولحد امبارح (يوم مباراة سبورتينج والترسانة) مكانش لسة رجع من جنوب إفريقيا وغالبًا كانوا ناسيين إن معروف مسافر».

وأضاف نائب رئيس اتحاد الكرة الأسبق: -متفهمش هو الكمبيوتر بيكون مهنج ولا هما مبياخدش بالهم بجد ولا بيريرا اللي بيختار الحكام ولا مين.. المهم رجعوا عدلوا طاقم التحكيم وشالوا اسم معروف وكلفوا محمد يوسف بإدارة المباراة وحاجة آخر ضحك».

واختتم: -قمة العشوائية في ملف الحكام وتعيينهم لإدارة المباريات.. بيحصل كوارث وحكم تلاقيه متعين 19 مباراة من أصل 23 كحكم رابع ولا حد واخد باله ولا فاهم حاجة».

وتمكن فريق سبورتينج من الفوز على نظيره الترسانة بهدف نظيف ليرتفع رصيده إلى 7 نقاط محتلا بهم وصافة جدول الترتيب خلف حرس الحدود -المتصدر» بنفس العدد من النقاط، بينما توقف رصيد الترسانة عند النقطة الرابعة في المركز الثالث.