مساحات نيوز| قبل حفله بالعلمين الجديدة.. سبب غريب وراء رسوب عمر خيرت في -الكونسرفتوار» – منوعات مساحات نيوز

رحلة فنية مليئة بالأعمال المميزة، موسيقاه لا تحتاج لكلمات لتبرز مدى إبداعه، من خلالها استطاع عمر خيرت خلال العقود الماضية، أن يعلن عن نفسه كأحد أهم رموز الموسيقى، وقبل حفله في مهرجان العلمين الجديدة، نستعرض في هذا التقرير، بعض الكواليس في حياته. 

الرسوب في الكونسرفتوار 

ينتمي عمر خيرت لأسرة فنية، نشأ في عائلة تقدر الفن وتعمل به، عمه أبو بكر خيرت هو مؤسس المعهد العالي للموسيقى -الكونسرفتوار»، وخلال لقائه في برنامج -صاحبة السعادة» كشف أنه كان ضمن أول دفعة تلتحق بالمعهد، وفي أثناء دراسته تفاجأ بموقف غريب من عمه قائلا: -عمي مكنش بيسلم عليا في المعهد، وببقى عايز أقول إن ده عمي، بس هو مكنش عنده هزار في الحتة دي، ومرة سقطني سنة، كنت قاعد بتغدا لقيتهم بيقولولي عمك عايزك على التليفون، وقالي تجيلي بكرة المكتب، أنا اترعبت ومنمتش طول الليل، لما روحت قالي سمعني عملت ايه في الامتحان، خلصت قالي برافو عليك بس هتسقط السنة دي، ولما سألته ليه قالي عشان أن عمك واداني 5 جنيه، طبعا أنا نسيت الامتحان وكل حاجة، الـ5 جنيه كان رقم كبير وقتها» 

سبب الرسوب 

الشخصية الصارمة لأبو بكر خيرت، جعلت نجل شقيقه عمر خيرت يقدره ويخشى معارضته، لذا تقبل الأمر بصدر رحب، خاصة أنه يرى أن هناك جزءا من الخطأ يتحمله، موضحا: -في برنامج للامتحان، بيبقى مطلوب حاجة معينة، أنا عملت غيرها، أنا عملت الامتحان كويس، بس عرف باللي حصل وسقطني، فقالي لا تسقط.. تعمل اللي مطلوب منك في الامتحان بس»

حفل عمر خيرت في العلمين الجديدة

ويستعد الموسيقار الكبير عمر خيرت، لإحياء حفل غنائي في مدينة العلمين الجديدة، ضمن الفعاليات الغنائية للنسخة الثانية من مهرجان العلمين الجديدة، ومن المفترض إقامة الحفل يوم 22 أغسطس الجاري.