مساحات نيوز | سعيد بردود الأفعال على أغنية “فاضية”.. والعمل الجيد يفرض نفسه مساحات نيوز

عبر الفنان يوسف بدوي عن سعادته بردود الأفعال التي تلقاها على أحدث أغانيه التي تحمل اسم “فاضية”، بعد طرحها على المنصات الموسيقية المختلفة مطلع الأسبوع الجاري.

وقال يوسف في تصريح لـ”البوابة نيوز”:” أغنية “فاضية” اخترت لها موسيقى إلكترونيك بوب وموضوعها عن إعجاب شاب بفتاة وأحلامه وأمنياته في الحياة معها”.

وتابع يوسف بدوي:” الحقيقة لا أقتنع بأن هناك أغنية صيفية وأغنية شتوية، وألبوم النجمة أنغام الأخير تيجي نسيب أقرب دليل، ومن قبلها أغنية رياح الحياة لحمزة نمرة وغيرهم، العمل الجيد يفرض نفسه ولا يرتبط طرحه بتوقيت معين”.

أغنية “فاضية”، كتبها ولحنها يوسف بدوي ومن توزيع يوسف عطية، وتمزج بين لوني الغناء الراب والروك وتميل إلى الثاني.

وتقول كلمات أغنية:فاضية”:”أنا فاضي عايزة ننزل تمام
لو حابة اختاري انتي المكان
عايز أكمل اليوم معاكي
نطبق لبكرة من غير سلام

كل حاجة معاكي بتبقي جديدة
بتبقي لذيذة 
حتي لو عيشتها زمان
نتجنن، نسهر نتكلم
نتخانق، نغلط نتعلم 
سواا
انتي غيرتي فيا حاجات 
و من سكات نفسي متبعديش
معاكي انا مش هادي وعادي
انسي كل البناااات ميهمنيش

انا فاضي عايزة ننزل تمام
لو حابة اختاري انتي المكان
عايز اكمل اليوم معاكي
نطبق لبكرة من غير سلام

انا معاكي ببقي مش مفهوم
مفيش هموم مفيش تفكير كتير
حاسس احساس جديد محستوش
مع اي حد فات
بس المرادي انا مش هغلط تاني 
مش هسمح لحاجة تبعدنا 
مع اني لسة عارفك من مفيش 
انا نفسي اسمعها منك متتقليش

انا فاضي عايزة ننزل تمام
لو حابة اختاري انتي المكان
عايز اكمل اليوم معاكي
نطبق لبكرة من غير سلام”.

يشار إلى أن يوسف بدوي طرح خلال الفترة الماضية عدد من الأغاني على طريقة السينجل منها: دخلة صيف، ميامي، ماشية عكسي، شاب وشاب، نفضل سوا.